Husi parte seluk Primeiru Ministru
sétimu Governu konstitusionál, Mari Alkatiri deklara, nia iha dever
aprezenta programa Governu ba Parlamentu Nasionál (PN), maibé sé karik
programa la pasa sei hakat ba eleisaun antesipada.
“Ha’u ba la’os atu konvense Partidu,
maibé tanba obrigasaun atu aprezenta programa governu nian ba Parlamentu
Nasional. Ha’u nia direitu atu aprezenta programa governu nian ba
Parlamentu. Sé ha’u la aprezenta, signifika ha’u la kumpri ha’u nia
dever. Sé pasa-pasa, se la liu ba eleisaun antisipada,” deklara Primeiru
Ministru Marí Alkatiri ba jornalista siraiha Palácio Prezidensiál
Nicolau Lobato, Bairu Pite, hafoin enkontru ho Prezidenti Repúblika,
Francisco Guterres ‘Lu Olo’, Kinta feira ne’e (12/10).
Mari Alkatiri hateten, programa ne’ebé
governu aprezenta ba Parlamentu Nasional hodi servi no halo
dezenvolvimentu ba povu nia nesesidade, tanba ne’e nia la fiar katak
deputadu ida atu kontra fali programa ne’e.
Antes ne’e, Marí Alkatiri deklara,
programa prioridade husi sétimu governu konstitusionál maka, saúde,
edukasaun, agrikultura no infra-estrutura bázika.
Programa sétimu Governu aprezenta ona
husi, Ministru ba Prezidensia Konsellu Ministru Adriano do Nascimento,
ba Prezidenti Parlamentu Nasionál, Aniceto Guterres Lopes iha Tersa
feira (10/10/2017).
*gmntv.tl
No comments:
Post a Comment