Programa VII GK Lapasa, Negosiasaun Tasi Timor Sei Lalao

Programa Governu VII Governu Konstitusional iha ona meja Parlamentu Nasional (PN) no iha Segunda (16/10/2017), deputadu sira sei halo diskusaun ba programa nee, maibe bainhira programa nee lapasa maka konserteza negosiasaun tasi Timor sei lalao, tanba Governu laiha ona lejitimidade.

Sekertariu Jeral Partidu Fretilin atual Primeiru Ministru Mari Alkatiri sei lafiar katak programa nee sei laaprova iha Parlamentu Nasional, tanba bainhira programa nee maka  laaprova signifika  osan atu ukun hodi halo dezenvolvimentu laiha, nunee negosiasaun ba tasi Timor mos sei lalao, tanba Governu laiha ona lejitimidade.

Hau sei kontinua dehan lafiar katak programa nee sei laaprova, programa nee maka se laaprova signifika saida osan atu ukun hodi halo dezenvolvimentu laiha, nunee mos negosiasaun ba tasi Timor mos sei lalao, tanba Governu laiha ona lejitimidade, tanba nee hotu hotu iha interese nasional tau as liu entaun tenke aprova programa nee,” dehan Sekjer Fretilin Mari, ba jornalista sira bainhira remata inkontru ho deputadu husi bankada PD, Fretilin, iha Sede CCF, Comoro, Dili, Kinta (13/10/2017).

Iha biban nee mos Sekertariu Jeral Partidu Fretilin Mari hateten, bankada rua Fretilin ho PD halo enkontru hamutuk ho lideransa kuandu lori programa Governu VII Governu Konstitusional, hotu-hotu bele hatene depende programa nee halo nusa, atu konvense kolega deputadu bankada sira seluk halo nusa.

Iha fatin hanesan Prezidente Partidu PD Mariano Asanami Sabino hateten PD ho Fretilin nakloke hela rejultadu votus nee laiha partidu ida nia votus boot, hanoin oinsa maka tau forsa atu ukun povu nee.

Entretantu enkontru entre membru deputadu husi bankada Fretilin, PD ho lideransa sira iha sede CCF nee, hahu iha tuku 17:00 no remata iha tuku 20: 30 OTL.

*STL